Pezeşkianın Ermənistana səfər etməsinin səbəbi | İran liderindən dostluqla bağlı açıqlama

18 avqust 2025 846 baxış

İran Prezidenti Məsud Pezeşkian ikigünlük rəsmi səfərlə Ermənistana gəlib.

Onu İrəvanın Zvartnots Beynəlxalq Hava Limanında Ermənistan Baş nazirinin müavini Mqer Qriqoryan qarşılayıb. Səfər çərçivəsində avqustun 19-da İrəvanda Ermənistan-İran biznes forumu keçiriləcək.

İran Prezidenti Məsud Pezeşkian səfərdən öncə Tehranın Mehrabad hava limanında verdiyi açıqlamada bildirib ki, onun Administrasiyası qonşu ölkələrlə münasibətlərin inkişafını prioritet hesab edir.

M.Pezeşkian qeyd edib ki, İran üçün qonşularla əlaqələrin qurulması və inkişaf etdirilməsi əsas istiqamətdir.

Ermənistanla münasibətlərə toxunan Prezident vurğulayıb ki, İran qonşu və dost ölkə Ermənistanla uzunmüddətli və strateji əlaqələrə malikdir və hər zaman sosial, siyasi, iqtisadi və mədəni sahələrdə yaxşı münasibətləri qorumağa çalışıb.

O, səfər çərçivəsində erməni rəsmilərlə Beynəlxalq Şimal-Cənub Nəqliyyat Dəhlizi ilə bağlı müzakirələr aparacağını söyləyib.

#İran