Putin Trampa nə təklif etdi? | "Müharibə həlledici mərhələyə qədəm qoyur" - Baku TV

İrana qarşı müharibə kəskinləşir.

İsrail mediasının xəbərinə görə, bu barədə müdafiə naziri İsrael Kats bildirib.

Onun sözlərinə görə, İrana qarşı müharibə kəskinləşir və həlledici mərhələyə qədəm qoyur.

Bu əsnada İran bəzi Hindistan gəmilərinin Hörmüz boğazından keçməsinə icazə verib.

Bu barədə İranın Hindistandakı səfiri Məhəmməd Fətəli bildirib.

O bunu qlobal enerji təchizatını pozan blokadaya dair istisna hal kimi dəyərləndirib. Səfir təhlükəsiz keçidi təmin edilən gəmilərin sayını açıqlamayıb.

Gərginliyin Yaxın Şərqdə hələ də davam etdiyi bir vaxtda ABŞ Prezidenti Donald Tramp və Rusiya lideri Vladimir Putin arasında baş tutan telefon danışığında İranın zənginləşdirilmiş uranının Rusiyaya köçürülməsi təklif edilib. Lakin ABŞ Prezidenti bu təşəbbüsü rədd edib.

Bu barədə "Axios" məlumat yayıb.

Nəşrin mənbələri qeyd ediblər ki, V.Putin söhbət əsnasında Vaşinqtonla Tehran arasındakı hərbi gərginliyi dayandırmaq məqsədilə bəzi təkliflər səsləndirib.

"ABŞ-nin mövqeyi ondan ibarətdir ki, biz uranın tam və etibarlı şəkildə nəzarətdə saxlanılmasını təmin etməliyik", – deyə amerikalı rəsmi bildirib.

Məlumata əsasən, hazırda Donald Tramp həm Vladimir Putin, həm Çin lideri Si Cinpin, həm də Avropa nümayəndələri olmaqla hər kəslə dialoqdadır və istənilən vaxt müqavilə bağlamağa açıqdır.

Vurğulanıb ki, keyfiyyətli təkliflər olmalıdır, çünki Prezident əlverişsiz təklifləri qəbul etməyəcək.