Qazaxıstan vilayətlərindəki həbsxanalarda aləm bir-birinə dəydi | Dəhşətli detallar açıqlandı

Milli Təhlükəsizlik Komitəsi Daxili İşlər Nazirliyi ilə birlikdə Almatı vilayətinin prokurorluğu ilə razılaşaraq Almatı, Kostanay və Jetısu vilayətlərinin cəzaçəkmə müəssisələrində radikal qruplaşmanın 10 tərəfdarının fəaliyyətinin qarşısını alıb.

Qazaxıstan mediası xəbər verir ki, radikal dini qruplaşma həbsxanalarda qiyam hazırlayırmış.

“İlkin məlumatlara görə, təqsirləndirilən şəxslərdən biri həbsxanada olarkən terror aktı hazırlayıb, qalanları isə terrorizmin təbliğində və terror fəaliyyətinin təşkilinə adamların cəlb edilməsində iştirak edib.

Cəzaçəkmə yerlərində aparılan axtarışlar zamanı onlardan bıçaqlar, smartfonlar və digər maddi sübutlar götürülüb. Bir nəfərin ekstremizmlə bağlı cinayəti var. Qalanları adam öldürmə, soyğunçuluq və oğurluq cinayətlərinə görə cəza çəkirlər”, – Qazaxıstan Respublikasının Milli Təhlükəsizlik Komitəsindən bildirilib.

Həmçinin Almatıda onların şərti nəzarətdə olan şəriki saxlanılıb. Həmin şəxslər barəsində Cinayət Məcəlləsinin 255, 256 və 259-cu maddələri ilə ibtidai araşdırmalar aparılır.