Pleyeri seçin:
"Bir neçə saata əmr veriləcək" | ABŞ 3 min hərbçini Yaxın Şərqə göndərir? - Baku TV
ABŞ İrana qarşı əməliyyatların dəstəklənməsi məqsədilə Yaxın Şərqə təxminən 3 min hərbçi göndərməyi planlaşdırır.
Bu barədə “The Wall Street Journal” nəşri ABŞ rəsmilərinə istinadla məlumat yayıb.
Bildirilir ki, söhbət ABŞ Ordusunun elit 82-ci Hava-Desant Diviziyasının hərbçilərindən gedir.
Məlumata görə, qoşunların yerləşdirilməsi ilə bağlı yazılı əmrin yaxın saatlarda verilməsi gözlənilir. Bununla yanaşı, ABŞ qüvvələrinin birbaşa İran ərazisində yerləşdirilməsi ilə bağlı yekun qərarın hələ qəbul olunmadığı qeyd olunur.
Xəbərdə o da bildirilir ki, daha əvvəl “CBS News” telekanalı Pentaqonun ABŞ quru qoşunlarının İranda yerləşdirilməsi ilə bağlı hazırlıq apardığını açıqlayıb.
Eyni zamanda, “The Jerusalem Post” qəzeti ABŞ-nin İranın Xark adasında quru əməliyyatı keçirmək imkanını nəzərdən keçirdiyini yazıb.
Kopyalandı
Seçilmişlər
