Rəsmi Tehran Suriyadakı İran konsulluğunun bombalanmasını pislədi

Rəsmi Tehran Suriyadakı İran konsulluğuna hücumu pisləyib.

İranın xarici işlər naziri Hüseyn Əmir Abdullahian İsrailin Suriyadakı diplomatik nümayəndəliyinə zərbələrini pisləyərək bunu beynəlxalq hüququn pozulması kimi qiymətləndirib.

Bu barədə xarici işlər naziri suriyalı həmkarı Feysəl Mekdadla telefon danışığı zamanı deyib.

“Benyamin Netanyahu İsrail rejiminin Qəzzada silsilə uğursuzluqları və sionistlərin iddialı məqsədlərinə çata bilməməsi səbəbindən ağlını itirib”, – deyə iranlı nazir bildirib.

Hüseyn Əmir Abdullahyan İranın Dəməşqdəki konsulluğunun binasına hücumu bütün beynəlxalq öhdəlik və konvensiyaların pozulması hesab edib, həmçinin bu hərəkətin məsuliyyətini Təl-Əvivin üzərinə qoyaraq beynəlxalq ictimaiyyətin belə hücumlara ciddi cavab verməsinin vacibliyini bildirib.