Rusiyada zavodda yanğın | 9 nəfər xəsarət aldı

Rusiyada Rostov vilayətinin Şaxtı şəhərində poliefir zavodunun istehsal sexində yanğın baş verib.

Hadisə nəticəsində doqquz nəfər xəsarət alıb.

Ölkənin Fövqəladə Hallar Nazirliyinin məlumatına görə, yanğın zavodun döşəklər və yastıqlar üçün içliklərin istehsalı sexində başlayıb, daha sonra əraziyə yayılıb.

Hadisə ilə bağlı Dövlət Dumasının Rostov vilayətindən olan deputatı Yekaterina Stenyakina da açıqlama verib. O, yaralıların xəstəxanaya yerləşdirildiyini, vəziyyətlərinin qənaətbəxş olduğunu bildirib. Bir nəfərə isə yerində tibbi yardım göstərilib.