Şarl Mişel üçtərəfli görüşdən danışdı

“Bugünkü görüş çox məhsuldar keçib”.

Bunu Avropa İttifaqı Şurasının Prezidenti Şarl Mişel Azərbaycan Prezidenti İlham Əliyev və Ermənistanın Baş naziri Nikol Paşinyanla görüşündən sonra deyib.

“Biz altıncı görüşü yenicə başa vurduq. Bu, çox məhsuldar oldu. Biz səylərimizdə çox mühüm dövr keçiririk”, – deyə Avropa İttifaqı Şurasının Prezidenti bildirib.

Onun sözlərinə görə, görüş zamanı ölkə liderləri 1991-ci il “Alma-Ata Bəyannaməsi”nə, eləcə də ərazi bütövlüyü və suverenliyinə sadiqliklərini təsdiqləyiblər.