Türkiyə F-35 döyüş təyyarələri proqramından imtina edib? | Ərdoğandan mühüm açıqlama
NATO sammitindən qayıdan Türkiyə Prezidenti Rəcəb Tayyib Ərdoğan ölkəsinin müdafiə strategiyasında yeni səhifə açıldığını bəyan edib.
Prezidentin sözlərinə görə, təkcə Rusiyadan alınan “S-400” zenit-raket kompleksləri ilə kifayətlənmək mümkün deyil. Ona görə də Türkiyə çoxsəviyyəli Hava Hücumundan Müdafiə sistemi qurmağa qərarlıdır.
“Hava Hücumundan Müdafiə sistemi təkcə “S-400”lə məhdudlaşmır. Biz birləşmiş sistem, “Polad günbəz” qururuq. Fərqli yüksəkliklər üçün nəzərdə tutulmuş yerli istehsal raketlərimizi, sensor və radioelektron mübarizə sistemlərini birləşdiririk”, – deyə Prezident bildirib.
Dövlət başçısı eyni zamanda Türkiyənin “F-35” döyüş təyyarələri proqramından imtina etmədiyini də xüsusi vurğulayıb. O, layihəyə dönüş üçün texniki və siyasi görüşlərin davam etdiyini bildirib.
Ərdoğana görə, Türkiyə bu proqramdan haqsız şəkildə kənarlaşdırılıb və bu, müttəfiqlik ruhuna uyğun deyil. Donald Trampla keçirilmiş görüşlərdə məsələ gündəmdə olub və danışıqların yenilənməsinə ümid var.
#Türkiyə teqi istifadə olunub
- Düyna tarixində bir ilk | Hibrid mühərriki kosmosda işə salan ilk ölkə - Baku TV
- Türkiyə DÇ-yə vəsiqə qazanarsa bu komandalara rəqib olacaq - Baku TV
- TDT ölkələri arasında bəyannamə imzalandı
- Türkiyəli nazirdən Rusiya və Ukraynaya çağırış
- Qara dənizdəki gərginlik Rusiya və Ukrayna çərçivəsindən çıxa bilər - Baku TV
