Vaşinqton Tehranla razılaşa biləcək? | Cey Di Vensdən diqqətçəkən açıqlama - Baku TV

15 aprel 2026 20 baxış

"ABŞ İrana nüvə silahının hazırlanmasından qeyd-şərtsiz imtina müqabilində qlobal iqtisadiyyatın bir hissəsi olmaq şansı təklif edir".

ABŞ-nin vitse-prezidenti Cey Di Vens bunu Corciya ştatında universitetdə keçirilən forumdakı çıxışında bildirib.

"O, məhz bu mübadiləni təklif edir", – deyə Vens Prezident Donald Tramp barədə danışarkən bildirib.

“Biz danışıqları davam etdirmək və bu planı həyata keçirmək üçün çalışmaq niyyətindəyik, çünki bu, dünya, ölkəmiz, hər kəs üçün gözəl nəticə olardı. Buna görə də mən bunu reallaşdırmaq üçün hər cür səy göstərəcəyəm", – deyə Vens əlavə edib.

Onun sözlərinə görə, Vaşinqton Tehranla danışıqları davam etdirmək niyyətindədir və güman edir ki, İran tərəfi razılığa gəlməkdə maraqlıdır.

Eyni zamanda ABŞ vitse-prezidenti hesab edir ki, Pakistanda İranla danışıqlarda əhəmiyyətli irəliləyiş əldə edilib.

#Cey Di Vens