Venesuela Rusiyadan hərbi yardım istəyir
Venesuela Prezidenti Nikolas Maduro Karib dənizində ABŞ qüvvələrinin cəmləşməsi fonunda Rusiyadan raketlər, radarlar və təkmilləşdirilmiş təyyarələr tədarük etməsini xahiş edib.
Bu barədə "The Washington Post" məlumat yayıb.
Məlumata görə, Maduro rusiyalı həmkarı Vladimir Putinə məktub yazıb. O, eyni xahişlə Çin və İrandan da hərbi yardım istəyib.
Qeyd olunub ki, Venesuelanın nəqliyyat naziri Ramon Selestino Velaskez oktyabrın ortalarında Moskvaya səfər edib və orada rusiyalı həmkarı ilə görüşərək Maduronun məktubunu Rusiya liderinə çatdırıb.
Maduro məktubunda illər öncə Rusiyadan alınan bir neçə "Su-20MK2" təyyarəsinin təmiri də daxil olmaqla, Venesuelanın hava müdafiəsinin gücləndirilməsi üçün kömək istəyib.
Bundan əlavə, Maduro səkkiz mühərrikin və beş radarın təmiri, ölkəsinə Rusiya döyüş raketlərinin satılması və bir növ logistika yardımı göstərilməsini xahiş edib.
Məktubda Venesuela liderinin "Rostex" vasitəsilə üçillik maliyyələşdirmə istəyi əks olunub, lakin məbləğ açıqlanmayıb.
#Nikolas Maduro teqi istifadə olunub
- Pentaqonun mətbuat katibi Maduronun mümkün istefasından danışdı
- Venesuela Prezidenti sanksiyaların ləğvini istəyir
- Venesuela Prezidentinin tərəfdarları Ağ Ev ilə əlaqə saxlayıblar?
- Maduronun hakimiyyətdə qalması Venesuelada vəziyyəti gərginləşdirir | Trampdan hədə dolu çıxış
- ABŞ-Venesuela müharibəsi başlayır? | Maduro üçün çətin vəziyyət - CANLI
