Yaxın Şərqdə növbəti gərginlik: İsrail-Misir sərhədində nə baş verir?

İsraildən atılan raket Misirin Qırmızı dəniz sahilində yerləşən Taba şəhərinə düşüb.

Hadisə nəticəsində azı 5 nəfər yaralanıb. Ölkə mətbuatının yaydığı xəbərə görə, İsrail Ordusu insidentdən məlumatlıdır.

“Sözügedən hadisədən xəbərdarıq, lakin o bizim sərhədimizin xaricində baş verib”, – deyə, israilli hərbçilər bildiriblər.

Misir hökuməti isə hadisə ilə bağlı rəsmi açıqlama verməyib. Bundan başqa, bu hadisənin Qəzza münaqişəsi ilə bağlı olub-olmaması və ya səhvən atılması barədə də məlumat yoxdur.

Qeyd edək ki, Taba şəhəri Qəzza zolağından təxminən 200 kilometr aralıda yerləşən dörd ölkənin kəsişdiyi yerdədir. Tabanın yaxınlığındakı İsrailin Eliat şəhəri isə HƏMAS-ın həftəiçi raketlər atdığı ərazidir.