Zelenskidən xalqı üçün ürəkaçan müraciət | Ukrayna nə qədər ərazini azad edib? - Baku TV

Rusiyaya qarşı diplomatik səylərin yenidən gücləndirilməsi vacibdir.

Bu barədə Ukrayna Prezidenti Volodimir Zelenski videomüraciətində bildirib.

O, Böyük Britaniya, Fransa və Almaniya liderləri ilə apardığı danışıqlardan sonra ABŞ-dən yeni diplomatik görüşlərlə bağlı cavab gözlədiyini qeyd edib.

Zelenski həmçinin cəbhədə vəziyyətin Ukraynanın xeyrinə dəyişdiyini də vurğulayıb. Prezident ilin əvvəlindən bəri Ukrayna qüvvələrinin 590 kvadrat kilometr ərazini azad etdiyini və Rusiya Ordusunun çox sayda itkilər verdiyini qeyd edib.

Ukrayna lideri bildirib ki, mövcud vəziyyət Rusiyanın maraqlarına uyğun deyil və Kiyev həm diplomatik, həm də hərbi istiqamətdə fəaliyyətini davam etdirəcək.

Bu arada, “Bloomberg“ agentliyi Rusiyanın müharibəni 2026-cı ilin sonuna qədər öz şərtləri ilə başa çatdırmağı planlaşdırdığını qeyd edib. Məlumata görə, Moskva Donbas ərazisinin tam nəzarətə götürülməsini və Avropa ilə geniş təhlükəsizlik sazişinin imzalanmasını hədəfləyir.