Pro Sport klubu “Venera Cup” turnirindən 62 medalla qayıdıb

Daim müxtəlif turnirlərdə parlaq nəticələrlə diqqət çəkən “Pro Sport” idman klubunun yetirmələri daha bir beynəlxalq yarışda zəfər əldə ediblər. Onlar bu dəfə Gürcüstanda keçirilən “Venera Cup” yarışından qələbə ilə qayıdıblar.

Tbilisi şəhərində baş tutan turnirə 29 gimnastla qatılan klubun idmançıları 49 qızıl, 8 gümüş və 5 bürünc medala yiyələniblər.

Gürcüstanın paytaxtında keçirilən kubokda həm fərdi növlərdə, həm də qrup hərəkətlərində mübarizə aparan təmsilçilərimiz yarışı ümumilikdə 62 mükafatla başa vurublar.

Qeyd edək ki, Tbilisi şəhərində keçirilən “Venera Cup” turnirində İsrail, Türkiyə və Ukrayna da daxil olmaqla 7 ölkənin gimnastları iştirak ediblər. Ümumən isə yarışda 250-yə yaxın gənc idmançı mübarizə aparıb.