"Qarabağ" darmadağınla 2-ci mərhələdə

“Qarabağ” klubu UEFA Çempionlar liqasının I təsnifat mərhələsini uğurla keçib.

“Köhlən atlar” Cəbəllütariq təmsilçisi “Linkoln”u doğma meydanlarında 4-0 hesabı ilə məğlub ediblər.

Matçda hesab 7-ci dəqiqədə açılıb. Abdullah Zubir fərqlənib. 46-cı dəqiqədə fərq 2-yə yüksəlib. Bəhlul Mustafazadə rəqib qapısını dəqiq nişan almağı bacarıb. Beləliklə, Ağdam təmsilçisi fasiləyə 2-0 hesablı üstünlüklə yollanıb.

2-ci hissənin isə artıq 49-cu dəqiqəsində “Qarabağ” 3-cü topu rəqib qapısından keçirib. Bu dəfə Redon Cica azarkeşləri sevindirməyi bacarıb. Bununla da kifayətlənməyən və hücumlarını davam etdirən “Köhlən atlar” 62-ci dəqiqədə qələbə qolunu vurublar. Marko Yankoviç “qırmızı iblislər”in qapısını dəqiq nişan alıb. “Qarabağ” – “Linkoln”: 4-0.

Qeyd edək ki, darmadağınla II təsnifat mərhələsinə yüksələn “Qarabağ” burada Polşa çempionu “Rakuv”a rəqib olub. Bu komandalar arasında ilk oyun iyulun 26-da Polşada keçiriləcək.