Prezident sərəncam imzaladı | "Cənub Qaz Dəhlizi"ndə mülkiyyət strukturu dəyişdi

Prezident İlham Əliyev “Şahdəniz” qaz-kondensat yatağının istismarının ikinci mərhələsi və Cənub Qaz Dəhlizinin yaradılmasına dair digər layihələrlə bağlı bəzi tədbirlər haqqında” Sərəncamına dəyişiklik edib.

Sərəncama əsasən, “Cənub Qaz Dəhlizi” Qapalı Səhmdar Cəmiyyətinin maliyyə nəticələrinin SOCAR-ın maliyyə hesabatlarında tam konsolidasiyası üçün tələb olunan Cəmiyyətin idarə edilməsində SOCAR-ın üstünlük hüquqlarının təmin edilməsi məqsədi daşıyır. Bununla da Cəmiyyətin səhmlərində SOCAR-ın payı 49 faizdən 51 faizə çatdırılacaq.

Bu məqsədlə Cəmiyyətin nizamnamə kapitalında dövlətə məxsus səhmlərin nizamnamə kapitalının 2 faizini təşkil edən hissəsi üzərində mülkiyyət hüququ SOCAR-ın nizamnamə kapitalına ötürüləcək.

Həmçinin İqtisadiyyat Nazirliyi bu Sərəncamdan irəli gələn məsələlərin həlli üçün zəruri tədbirlər görməlidir.