“BakıKart” adından görün nə etdilər | Çirkli informasiya yayan dələduzlar

Kiberdələduzlar vətəndaşları ictimai nəqliyyatdan pulsuz istifadə etmək vədi ilə saxta keçidlərə yönləndirirlər.

Əksəriyyət bu cür elanları ciddi qəbul etməsə də, aralarında inananlar da az deyil.

Məsələ ilə bağlı Elektron Təhlükəsizlik Xidməti vətəndaşlara xəbərdarlıq edib:

“Qeyd olunan keçidlərdə vətəndaşların bank kartı və digər fərdi məlumatlarını ələ keçirmək üçün bölmələr yaradılıb. Elektron Təhlükəsizlik Xidməti vətəndaşlara rəsmi olmayan səhifələrə etimad etməməyi və hər hansı qurumun həyata keçirdiyi kampaniyalarla bağlı məlumatlarla qarşılaşdıqda ilk növbədə həmin qurumla əlaqə saxlamağı və yaxud qurumun rəsmi veb-saytına daxil olaraq məlumatları dəqiqləşdirməyi tövsiyə edir”.