Laçında təbii mühitin bərpası prosesi davam edir

İşğaldan azad edilmiş ərazilərimizdə məsələlərin mərkəzləşdirilmiş qaydada həll edilməsi üçün yaradılmış Əlaqələndirmə Qərargahının nəzdində fəaliyyət göstərən İdarələrarası Mərkəzin Ekoloji məsələlər üzrə işçi qrupun üzvlərinin və media nümayəndələrinin iştirakı ilə Laçın rayonunun Sus kəndi ərazisində Həkəri çayına 1500 ədəd Azərbaycan Respublikasının "Qırmızı kitab" növü olan qızılxallı forel balıqları buraxılıb.

Qeyd edək ki, işğaldan azad edilmiş ərazilərdə fauna növlərinin reintroduksiyası ilə bağlı dayanıqlı populiyasiyasının öyrənilməsi məqsədilə həmin ərazilərdə monitorinqlər keçirilir.