Pleyeri seçin:
Prorektorun qətli ilə bağlı məhkəmə istintaqı başa çatıb
Xəbərlərimizi Google-da izləyin
Yeniliklərdən dərhal xəbərdar olun
“Təfəkkür Universiteti”nin prorektoru Tariyel Əhmədovun qətli ilə bağlı məhkəmə istintaqı başa çatıb.
Bakı Ağır Cinayətlər Məhkəməsinin hakimi Səyavuş Hacıyevin sədrliyi ilə keçirilən prosesdə prokuror təqsirləndirilənlər – keçmiş rektor Müşfiq Atakişiyev, onun bacısı oğlu Dəyanət Quliyev və Samir Quliyevin hər birinin 15 il müddətinə azadlıqdan məhrum edilməsini tələb edib.
Bununla yanaşı, prokuror onların hər birinin cəzalarını ciddi rejimli cəzaçəkmə müəssisəsində çəkməsini təklif edib.
Qeyd edək ki, mövcud Cinayət Məcəlləsində təqsirləndirilən şəxslərin ittiham olunduğu maddənin sanksiya həddi 14 ildən 20 ilə və ya ömürlük azadlıqdan məhrum edilmə cəzasını nəzərdə tutur. Bu hadisə baş verən vaxt, yəni 2011-ci ildə isə eyni maddənin sanksiyasında ən ağır cəza 15 il azadlıqdan məhrumetmə olub.
Prosesin növbəti mərhələsində vəkillərin çıxışları gözlənilsə də, müdafiəçilər çıxışa hazır olmadıqlarını əsas gətirərək məhkəmədən vaxt istəyiblər. Bunu nəzərə alan məhkəmə heyəti növbəti prosesi aprelin 6-na təyin edib.
Kopyalandı
Seçilmişlər
