Paşinyan özündən çıxdı: separatçılara son zərbəni belə vurdu

Qarabağdan qaça bilən separatçıların Ermənistanda da fəaliyyət göstərməsinə icazə verilmir.

Keçmiş separatçı rejimin sonuncu “başçısı” Samvel Şahramanyan Ermənistanda müşavirə keçirmək istəsə də, buna icazə verilməyib.

“Hraparak” nəşri yazır ki, S.Şahramanyanın “mübarizənin davam etdirilməsi” haqda açıqlamalar vermək istəməsi Nikol Paşinyan tərəfindən qəzəblə qarşılanıb.

Artıq hakimiyyət onlara təzyiq etməyə başlayıb. Məlumatlara görə, “Artsax”ın İrəvandakı “nümayəndəliyi” və “operativ qərargahının” ləğv edilməsi qərarı verilib. Eyni zamanda artıq keçmiş separatçı rejim “işçilərinə” maaş da verməyib, çünki Ermənistan hakimiyyəti daha onları maliyyələşdirmir.

Qeyd edək ki, erməni separatçıları Qarabağda özlərini buraxdıqdan sonra Ermənistanda fəaliyyətlərini davam etdirə və qondarma “Artsax” üzərindən eyni iddialar irəli sürə biləcəklərinə ümid edirdilər. Lakin Ermənistan hakimiyyətinin addımları separatçılara son zərbə oldu.