5 ildir kommunal ödəmirlər | Binəqədidə MTK sakinləri evinə həsrət qoyub?

Binəqədi rayonu 7-ci mikrorayon İlham Hacıyev küçəsi, 63 ünvanında yerləşən binanın sakinləri Mənzil-Tikinti Kooperativinin rəhbərliyindən şikayətçidirlər.

Onlar MTK-nın xidmətindən narazılıq bildirərək liftin kartla işləməsinin onlara çətinlik yaratdığını deyirlər:

“Camaat evinə qalxa bilmir. Deyirlər ki, guya bunu təhlükəsizlik üçün edirlər. Kartın qiyməti 7 manatdır. Pulu verib, kartı almaq istəyəndə deyirlər, kommunalını ödə. Bloklarımız baxımsız vəziyyətdə, qaraj suyun içindədir. Niyə pul ödəməliyik?!”.

MTK sədri isə Baku TV-yə açıqlamasında bildirib ki, binanın sakinləri arasında bir neçə ildir kommunal ödənişləri etməyənlər var. Borcu olmayanların hamısına lift üçün kart verilib.