Ağsunun Natəvan küçəsinin natəmiz vəziyyəti - Baku TV

Ağsu şəhərinin Natəvan küçəsində uzun müddətdir antisanitar vəziyyət hökm sürür.

Belə ki, məişət tullantıları üçün nəzərdə tutulan konteynerlər vaxtında boşaldılmadığından dolub-daşır, zibillər ətrafa yayılaraq ərazidə üfunətli qoxu yaradır.

Sakin Şəhla Mustafayeva bildirir ki, yaranmış vəziyyət məhəllənin ümumi görünüşünü korlamaqla yanaşı, əhalinin sağlamlığı üçün ciddi təhlükə mənbəyinə çevrilib:

“Zibili hara gəldi atırlar, qoxu aləmi götürüb. Məhləmiz biabırçı gündədir. Uşaqlar məktəbə gedə bilmir, xəstəlik tapırlar. Yollarımız da bərbad vəziyyətdədir. Şikayət etdikdə isə bizə deyilir ki, bura planda deyil. Ərazi tam yiyəsiz qalıb. Belə yerdə insan yaşayar?!”.