Bakı və bölgələrdə hava necə olacaq? | Hava haqqında məlumat - Baku TV

Martın 16-17-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Gecə və səhər saatlarında yarımadanın bəzi yerlərində yağış yağacağı ehtimalı var.

Bu barədə Milli Hidrometeorologiya Xidmətindən məlumat verilib.

Bildirilib ki, cənub-qərb küləyi martın 16-sı axşam şimal-qərb küləyi ilə əvəz olunacaq. Martın 17-si gün ərzində külək arabir güclənəcək. Havanın maksimal temperaturunun 10-15 dərəcə isti olacağı gözlənilir.

Azərbaycanın rayonlarında da bəzi yerlərdə yağıntılı hava şəraiti müşahidə olunacaq, dağlıq ərazilərdə qar yağacağı ehtimal edilir. Ayrı-ayrı yerlərdə yağıntıların qısamüddətli intensivləşəcəyi, şimşək çaxacağı, dağlıq ərazilərdə isə dolu düşəcəyi ehtimalı var. Arabir duman olacaq, mülayim qərb küləyi əsəcək. Havanın maksimal temperaturu Aran rayonlarında 10-15 dərəcə isti, dağlıq ərazilərdə isə 0-5 dərəcə isti olacaq.