"Qayınananızın başına niyə oyun açırsınız?!" - "Dedi ki, qayınanan çırpacaq başına" - ARZUNUN VAXTI

“Arzunun vaxtı” verilişinin yeni buraxılışının qonaqları sosial şəbəkələrdə paylaşımları ilə tanınan gəlin-qayınana – Turanə İsazadə və Vüsalə İsayeva olub.

Turanə İsazadə məruz qaldığı tənqidlərdən bəhs edib:

“Çəkdiyim videolara görə bəzən məni qınayırlar. Amma mən heç vaxt qayınanama hörmətsizlik etmək niyyətində olmamışam. Əksinə, qayınanaların necə pozitiv ola biləcəyini göstərmək istəyirəm”.

O əlavə edib: “Deyirlər ki, sənin etdiyini mənim həyat yoldaşım etsəydi, boşayardım. Amma yoldaşımın heç elə xasiyyəti yoxdur, belə şeylərə əsəbiləşmir”.

Gəlin-qayınana münasibətlərindən danışan Vüsalə İsayeva isə qeyd edib:

“Hər gəlin ayrı mühitdən gəlir. Gəlin öyrəşənə qədər ən azı beş il vaxt lazımdır. Buna görə nə qədər səhv etsə də, qayınana onu başa düşməlidir”.