Narışkin ABŞ-nin Bakı-İrəvan münasibətlərindəki uğursuz rolundan danışdı

“Azərbaycan və Ermənistan ikitərəfli münasibətlərin normallaşması üzərində işi üçüncü tərəflərin iştirakı olmadan aparmağa üstünlük verir”.

Bu barədə Rusiya Xarici Kəşfiyyat Xidmətinin direktoru Sergey Narışkin “Razvedçik” jurnalına müsahibəsində bildirib.

“ABŞ postsovet məkanında da uğursuzluğa düçar olmağa başlayıb”, – deyən Xarici Kəşfiyyat Xidmətinin direktoru qeyd edib ki, Azərbaycan və Ermənistan sülh nizamlanması üzrə ABŞ və Avropa İttifaqının tövsiyələrinə o qədər də qulaq asmır və bütün məsələləri müstəqil həll etməyə üstünlük verir.

Qeyd edək ki, Azərbaycan dəfələrlə bəyan edib ki, Ermənistanla münasibətlərin normallaşmasında vasitəçilərə ehtiyac duymur. Buna misal olaraq Ermənistan-Azərbaycan sərhədinin delimitasiyası üzrə razılaşmalar, həmçinin sərhədin demarkasiyası prosesinə başlanılması göstərilir.