Cəlilabadda aşkarlanan neft quyusu

Cəlilabadda bir vaxtlar neft axtarışı üçün qazılan quyular sakinlərin ümid yerinə çevrilir. Onlar buradan çıxan neftdən faylanacaqlarını düşünsələr də, qazılan neft quyuları qısa müddət sonra qapadılır. Bu gün də Geoloq Koşmanın cızdığı qeydlər qalan beton örtük və tarixi quyunun qapadılması bizi ötən əsrin 50-ci illərinə aparır.

Ötən əsrin 50-ci illərində bu ərazidə 100 metrlik radisu bürüyən neft fontanı ərazinin elmi surətdə araşdırılmasına səbəb olur. Hətta buna görə kənd yollarının abadlaşdırılmasına başlanılır. Tezliklə ərazidə hündür neft qülləsi də inşa edilir.

Kənd sakinləri deyirlər ki, burada geoloji kəşfiyyat işləri çərçivəsində 3 müxtəlif quyu qazılıb. Lakin qazma işləri yekunlaşdıqdan sonra bu quyuların ağzı qapadılıb. İşlərin dayandırılmasına səbəb kimi isə bu qüllədə baş verən ölüm hadisəsi göstərilir.

Kənd sakinlərinin bu gün ən böyük arzuları bu ərazidə nə vaxtsa böyük neft sənayesinin yaranmasıdır.