Cinsiyyətinin bəlli olmadığı deyilən körpənin valideynləri danışdı

Ötən gün ölkəmizdə cinsiyyəti bəlli olmayan körpənin dünyaya gəlməsi ilə bağlı xəbər vermişdik. Bu məsələ sosial şəbəkələrdə də xeyli müzakirə olundu.

Baku TV yayılan iddiaları aydınlaşdırmağa çalışıb.

Körpənin anası açıqlamasında deyib ki, uşağın cinsiyyətinin bəlli olmaması haqqında xəbərlər əsassızdır: "Cinsiyyəti bəllidir, qız uşağıdır. Müayinədə bizə sidik kisəsi sallanmasının olduğu, əməliyyatla düzələcəyi deyilib. Uşaq hazırda xəstəxanadadır, əməliyyatı üçün böyük miqdarda pul lazımdır. Buna isə imkanımız çatmır".

Qeyd edək ki, uşaq Mərkəzi Gömrük Xəstəxanasında həkim Vüsal Cəfərov tərəfindən əməliyyat olunacaq.

V.Nəcəfov uşağın vəziyyəti ilə bağlı bildirib ki, körpədə idrar və nəcis yolu bağlı olduğu üçün qarın nahiyəsi şişib və mərhələli şəkildə əməliyyat olunmalıdır.

Valideynlərinin sözlərinə görə, əməliyyat üçün lazım olan vəsaitdən artıq 19 min manat toplanılıb.