Heç kim heç kəsi qınamasın | Çimnaz Sultanovanın rəfiqəsi danışdı

“Çimnaz heç kimin yanında harasınınsa ağrımağı barədə şikayətlənməyib. Onu neçə illərdir tanıyıram. Allahın “başım ağrıyır” ifadəsini onun ağzından eşitməmişəm”.

Bu sözləri aktrisa Sona Əliyeva ötən gün vəfat edən həmkarı Çimnaz Sultanova ilə bağlı jurnalistlərə açıqlamasında deyib.

O, həmkarının xəstə olduğuna inana bilmədiyini söyləyib:

“Çimnazın xəstəliyi haqqında hər birimiz böyük bir şok yaşadıq. İki gün bundan öncəki paylaşımını görmüsünüz. O görüntülərdən də xəstə insana oxşamırdı. Çimnaz xəstəliyi ilə bağlı heç kimlə danışmayıb. Çimnazı kim necə tanıyırsa, nə deyirsə, bilsin ki, ölüm hamının qapısında var. Çimnazın ürəyi bir başqa idi. O, başqa insan olub. Tanımayanlara, bilməyənlərə də səslənirəm ki, ölüm haqdır. Hamının qapısında var. Ona görə də heç kim heç kimi qınamasın”.