İstirahət parkı baxımsız vəziyyətdə qalıb | Qurumdan vəziyyətlə bağlı açıqlama - Baku TV
Baku TV-nin qaynar xəttinə daxil olan şikayətdə sakinlər bildiriblər ki, Sabunçu rayonu, Bakıxanov qəsəbəsində yerləşən “Yay parkı” uzun müddətdir baxımsız vəziyyətdədir.
Nəzarətsizlik səbəbindən ərazidə evsiz şəxslər gecələyir, park isə məişət tullantıları ilə doludur. Nəticədə, kəskin qoxu ətrafa yayılır və bu vəziyyət sakinlər üçün həm antisanitar, həm də təhlükə yaradır.
“Parkı təmizləmək lazımdır, amma təmizləyən yoxdur. Evsizlərin bütün zir-zibili buradadır. Natəmizlikdir, qonşular parka istirahət etməyə çıxmaq istəyirlər, amma mümkün deyil”, – sakinlərdən biri bildirib.
Digər sakin isə qeyd edib:
“Burada itin, evsizlərin, oğruların, narkomanların əlindən yaşamaq mümkün deyil. Zibilin iyindən evdə yata bilmirik. Buranı park vəziyyətinə salsınlar ki, camaat zibilxanadan qurtulsun”.
Məsələ ilə bağlı Sabunçu Rayon İcra Hakimiyyətindən bildirilib ki, sözügedən ərazi xüsusi mülkiyyətdə olmasına baxmayaraq, Sabunçu Rayon Mənzil-Kommunal Təsərrüfatı Birliyi tərəfindən mütəmadi olaraq tullantılardan təmizlənir.
Qurumdan həmçinin qeyd olunub ki, son müraciətlə əlaqədar hazırda ərazidə təmizlik işləri aparılır.
#Sabunçu rayonu teqi istifadə olunub
- "Burada olan mənəm, kəsilmiş olsa..." | Bakıxanovdakı parkda nə baş verir? - Baku TV
- Güclü külək Bakıda bir sıra fəsadlara səbəb oldu - Baku TV
- “Çox yaxşı adam idi” | Bakıda ər və arvad amansızlıqla öldürüldü - Baku TV
- Pasiyentlər Maştağadakı Psixiatriya Xəstəxanasından qaçıb? - Baku TV
- Atasını öldürməkdə təqsirləndirilən oğul hakim qarşısında - Baku TV
