Məktəblilər arasında yarış keçiriləcək: mövzu və tarix açıqlandı
Noyabrın 27-də Heydər Əliyev Mərkəzində orta ümumtəhsil məktəblərinin şagirdləri arasında “Yollarda təhlükəsiz davranışı öyrənək” III intellektual yarışı keçiriləcək.
Yarış Heydər Əliyev Mərkəzi, Elm və Təhsil Nazirliyi, Azərbaycan Avtomobil Federasiyasının birgə təşkilatçılığı, “Regional İnkişaf” İctimai Birliyinin dəstəyi ilə baş tutacaq.
Layihənin məqsədi yol hərəkəti iştirakçılarının həyat və sağlamlığının qorunması, yollarda təhlükəsiz və mədəni davranışın təbliği, məktəblilərin yol hərəkəti qaydaları barədə maarifləndirilməsidir.
Yarışda Bakı şəhərinin 55 orta ümumtəhsil məktəbinin 7-8-ci sinif şagirdlərindən ibarət komandalar iştirak edəcək.
İntellektual mübarizədə iştirakçılar “Yol hərəkəti qaydalarının tarixi”, “Avtomobillərin tarixi”, “Yol hərəkətinin iştirakçıları”, “Nəqliyyat vasitələri”, “Piyadalar və velosipedçilər”, “Avtomobillərin quruluşu və təchizatı”, “Yol nişanları” və digər mövzulara dair sualları cavablandıracaqlar.
Yarışın üç turunun yekununa əsasən, münsiflər heyəti tərəfindən I, II və III yerlərin qalibləri müəyyənləşəcək.
#Heydər Əliyev Mərkəzi teqi istifadə olunub
- Heydər Əliyev Mərkəzi Türkiyə bayrağı ilə işıqlandırıldı
- Heydər Əliyev Mərkəzində türkmən havası əsdi | "Xalqlar arasında əməkdaşlıq güclənir"
- Onu tənqid edənləri belə heyran qoyan memar | "Əyribucaqların kraliçası" Zaha Hadid - ARAŞDIRMA
- Azərbaycanda uşaqlar üçün böyük layihə | Hər kəs övladlarınızdan danışacaq
- Gürcüstanın Müstəqillik Günü münasibətilə Bakıda qala konsert keçirilib
