"Azərenerji" rəsmisi Zəngilanda inşa edilən "Sarıqışlaq" SES barədə danışdı

“Sarıqışlaq” Su Elektrik Stansiyası (SES) Zəngilan rayonunda Oxçuçay üzərində yerləşən silsilə tipli 4 stansiyadan biridir”.

Bunu “Azərenerji” ASC-nin “Yaşıl Enerji Elektrik Stansiyası” MMC-nin direktoru Ramiz Vəliyev deyib.

Onun sözlərinə görə, Zəngilan, Cahangirbəyli, Şayıflı SES-lər 70 % gücündə yüklə işləyə bilirlər:

“Stansiyanın turbinlərində ekoloji normalara sərf olunan, yəni “yaşıl enerji”nin istehsalı üçün derivasiya borularından keçən 2 ədəd ekoloji turbin quraşdırılıb ki, qəza halında bu turbinlər çayda suyu saxlamaqla öz enerjisini və suyun məcrasını saxlaya bilir”.

“Azərenerji” rəsmisi qeyd edib ki, başqa SES-lərdən fərqli olaraq 24 saat dayanmadan işləyən bu 4 silsilə Qarabağ və Şərqi Zəngəzur iqtisadi rayonlarında istifadəyə verilən ən böyük stansiyalardan biridir və hazırda 24 saat dayanmadan ekoloji təmiz enerji istehsal edir.