"Global Media Group" ISO üzrə sertifikatlara layiq görüldü

“Global Media Group” MMC-nin tərkibində fəaliyyət göstərən “Global Management”, “Baku TV”, “Oxu.Az” və “Report İnformasiya Agentliyi”ndə 2023-cü ilin 18-22 dekabr tarixində ISO 9001:2015 Keyfiyyətin İdarə Edilməsi Sistemi, ISO 14001:2015 Ətraf Mühitin Mühafizəsinin İdarə Edilməsi Sistemi və ISO 45001:2018 Sağlamlıq və Əməyin Təhlükəsizliyinin İdarə Edilməsi Sistemi Beynəlxalq Standartların tələbləri əsasında 1-ci nəzarət auditi uğurla keçirilib.

Auditin məqsədi həmin təşkilatlarda İnteqrə Olunmuş İdarəetmə Sisteminin işlək vəziyyətdə saxlanılması və davamlı təkmilləşdirilməsidir. Audit “TÜV Austria Azərbaycan” şirkətinin auditoru Zaur Fərzəliyev tərəfindən aparılıb.

Auditin nəticəsində təşkilatlarda qurulmuş sistemin standartın tələblərinə davamlı uyğunluğu və effektivliyi bir daha təsdiq olunub, sertifikatlar isə qüvvədə qalıb.