Şəhidlər xiyabanında qeyri-etik videolar çəkən ərəblər hakim qarşısında
Bakıda Şəhidlər xiyabanında qeyri-etik videolar çəkərək həmin videogörüntünü sosial şəbəkələrdə paylaşan Səudiyyə Ərəbistanının üç vətəndaşının cinayət işinin məhkəmə araşdırması başlayıb.
Səbail Rayon Məhkəməsində keçirilən prosesdə təqsirləndirilənlərin anket məlumatları dəqiqləşdirilib.
Prosesdə Şəhidlər xiyabanında dəfn olunan şəhid Etibar Fərəcovun qohumu Eldəniz Fərəcov zərərçəkən qismində iştirak edib. Dövlət ittihamçısı cinayət təqibində hər hansı bir qanun pozuntusu olmadığını deyib və işin məhkəmə baxışına verilməsinə etiraz etməyib.
Daha sonra təqsirləndirilən şəxslərin vəkilləri müdafiə etdiyi şəxslərin cinayət törətdiyi məkanın hara olduğunu bilmədiklərini əsas gətirərək onların barəsində cinayət işinə xitam verilərək barələrində seçilmiş həbs qətimkan tədbirinin ləğv olunması üçün vəsatət veriblər. Məhkəmə vəsatəti təmin etməyib.
Cinayət işinin məhkəmə baxışına verilməsi ilə bağlı qərar qəbul olunub. Məhkəmənin növbəti iclası noyabrın 27-nə təyin edilib.
#Səbail Rayon Məhkəməsi teqi istifadə olunub
- Ərəblər Azərbaycan xalqından üzr istədilər
- Şəhidlər xiyabanında qeyri-etik videolar çəkən əcnəbilərin növbəti məhkəməsi keçirildi
- Dövlətə xəyanətdə ittiham olunan Ramiz Mehdiyev barədə qərar
- Adnan Əhmədzadənin müraciət müddəti bitdi
- Kriptovalyuta üzərinə həbs qoyuldu | Məhkəmə qərarının detalları üzə çıxdı!
