Şəhidlər xiyabanında qeyri-etik videolar çəkən ərəblərin məhkəməsində şahidlər danışdı - Baku TV
Şəhidlər xiyabanında nalayiq hərəkətlər edən və daha sonra bunu videoya çəkərək sosial şəbəkələrdə paylaşdığına görə polis tərəfindən saxlanılan 3 Səudiyyə Ərəbistanı vətəndaşının (Alzaman Mahdi Ali, Alghabr Mohammad Hussain, Alghabr Mahdi Mohammad) cinayət işi üzrə məhkəmənin novbəti prosesi keçirilib.
Səbail Rayon Məhkəməsində hakim Azər Tağıyevin sədrliyi ilə keçirilən proses şahid ifadələri ilə işini davam etdirib.
"Dagüstü Park"da xadimə işləyən xanım şahid kimi ifadə verərək bildirib ki, həmin şəxslər şəhid qəbirlərinin yanında atılıb-düşür, deyib-gülüb, əylənirdilər, elə bil toyda oynayırdılar.
İfadə verən digər şahidlər də ərazidə təmizlik işləri ilə məşğul olarkən həmin şəxslərin qəbirlərin yaxınlığında nalayiq hərəkətlər etdiklərini, hətta qəbrin sinə daşının üzərində ərəblərin rəqs etdiyini müşahidə etdiklərini vurğulayıblar.
İş üzrə növbəti proses dekabrın 9-na təyin edilib.
#Şəhidlər xiyabanı teqi istifadə olunub
- Ərəblər Azərbaycan xalqından üzr istədilər
- Şəhidlər xiyabanında qeyri-etik videolar çəkən əcnəbilərin növbəti məhkəməsi keçirildi
- Prezident və birinci xanım Şəhidlər xiyabanını ziyarət ediblər
- “Ərəblərin etdiyi cəzasız qalmasın!” - Şəhidlər xiyabanındakı qalmaqallı video gündəmi silkələdi
- Şəhidlər xiyabanında dəhşətli əməl törədənlər barədə hansı qərar verildi?
