Sorğu nəticələri açıqlandı: Azərbaycan və Ermənistan arasında sülh baş tuta bilər?

Sosial Tədqiqatlar Mərkəzi yaxın gələcəkdə Azərbaycan və Ermənistan arasında sülh müqaviləsinin imzalanacağına və diplomatik əlaqələrin qurulacağına ictimai inam səviyyəsini öyrənmək məqsədilə vətəndaşlar arasında rəy sorğusu keçirib.

Sorğuda “İki ölkə arasında sülh müqaviləsinin imzalanacağına və diplomatik əlaqələrin qurulacağına inanırsınızmı?” sualına münasibətdə sorğu iştirakçılarının yarıdan çoxu, yəni 53,1%-i bu və ya digər dərəcədə inandığını bildirib.

Sülh müqaviləsinin imzalanacağına və diplomatik əlaqələrin qurulacağına əsasən inanmayanlar 11 %, heç inanmadığını bildirənlər isə 33,1% olub.

Sorğu nəticələrinin 2022-ci ilin müxtəlif dövrləri ilə müqayisəli təhlili vətəndaşların sülh müqaviləsinə inam səviyyəsində əhəmiyyətli fərqin olmadığını göstərib.

Qeyd edək ki, sorğu 2023-cü ilin 8-11 sentyabr tarixləri arasında keçirilib. Telefonla müsahibə formasında baş tutan sorğuda 18 yaşından yuxarı 390 nəfər iştirak edib.