Xaçmaz RİH başçısı ağacəkmə aksiyasında | Yaşıllaşdırma marafonundan görüntülər

Xaçmazda “Yaşıl dünya naminə həmrəylik ili” çərçivəsində “Yaşıllaşdırma marafonu” davam edir.

Rayon İcra Hakimiyyətinin təşkilatçılığı ilə baş tutan növbəti aksiya Aşağı Ləgər kəndində, Xudat-Qusar yolunun kənarında keçirilib.

Rayon İcra Hakimiyyətinin başçısı Elnur Rzayev, Prezident Administrasiyasının məsul əməkdaşı Habil Əzənmədov, idarə və təşkilatların kollektivləri, eləcə də könüllülər yerli iqlim şəraitinə uyğun olan şam, çinar və müxtəlif meyvə ağacları əkiblər. Aksiya çərçivəsində əvvəl əkilən ağaclara aqro-texniki qulluq olunub.

Qeyd edək ki, son iki həftə ərzində Xaçmazda 15 mindən çox ağac əkilib. Kampaniyanın oktyabr-noyabr ayları ərzində də davam etdirilməsi nəzərdə tutulur.

Rayon ərazisində mövsüm ərzində 30 minə qədər şam, çinar və müxtəlif meyvə ağaclarının əkilməsi planlaşdırılır.