Yaxınları şəhid Cavid Əliyev ilə vidalaşdı: Əsgərimiz Mingəçevirdə dəfn edildi

Azərbaycan Silahlı Qüvvələri tərəfindən Qarabağ iqtisadi rayonunda keçirilən lokal antiterror tədbirləri zamanı sentyabrın 19-da şəhid olan Cavid Ceyhun oğlu Əliyev dəfn edilib.

Şəhid Mingəçevir şəhər Şəhidlər Xiyabanında torpağa tapşırılıb.

Dəfn mərasimində şəhidin ailə üzvləri, yaxınları, mingəçevirli şəhid ailələri, qazilər, hərbçilər, yerli ziyalılar, Mingəçevir Şəhər İcra Hakimiyyəti rəhbərliyi, din xadimləri iştirak ediblər.

İcra başçısı şəhidin tabutuna bürünmüş Azərbaycanın Dövlət bayrağını Cavid Əliyevin atası Ceyhun Əliyevə təqdim edib.