ABŞ və Ukrayna Prezidentləri Haaqa şəhərində görüşdü | Dünya diqqətində olan xəbərin detalları

ABŞ Prezidenti Donald Tramp Haaqa şəhərində keçirilən NATO sammiti çərçivəsində Ukrayna Prezidenti Volodimir Zelenski ilə görüşüb və ona simpatiya göstərərək “çox xoş bir insan” adlandırıb. Eyni zamanda amerikalı lider Rusiya ilə bağlı daha sərt mövqe sərgiləyib.

Bu barədə “Financial Times” yazıb.

“Vladimir Putin bu müharibəyə son qoymalıdır. İnsanlar həlak olurlar”, – nəşr Trampdan sitat gətirib.

Nəşr qeyd edir ki, Tramp Ukrayna və Rusiya liderlərinə münasibətdə uzun müddət tərəddüd içində olub. Dönüş nöqtəsi isə Prezident Zelenskinin ABŞ-yə səfəri zamanı Ağ Evdə baş vermiş qalmaqallı mübahisə olub. Həmin insidentdən sonra Vaşinqton Ukraynaya hərbi və kəşfiyyat yardımlarını müvəqqəti olaraq dayandırıb.

İkinci prezidentlik müddətinin əvvəlində Tramp Putinə daha çox anlayışla yanaşırdı. Onlar bir neçə telefon danışığı aparmış, ölkələrin danışıqlar komandaları isə birbaşa təmasda olmuşdular. Lakin son həftələrdə Trampın Putinə olan məyusluğu artıb. Putinin “maksimalist tələbləri” və atəşkəsə razılaşmaqdan imtinası buna səbəb ol