İsrail ordusu Qəzzanın parlament binasından şəkil paylaşdı

İsrail Müdafiə Qüvvələri Qəzza şəhərini nəzarətə götürüb.

Bu barədə məlumatı “The Times of Israel” nəşri yayıb. Məqalədə ordunun şəhərin parlament binasında olduğuna dair fotolar dərc edilib.

Ölkənin müdafiə naziri Yoav Qallant bildirib ki, HƏMAS qruplaşması artıq Qəzza zolağına nəzarət etmir və onlar cənuba doğru qaçırlar.

Nəzarətsiz qalan HƏMAS-ın hərbi bazalarının yerli sakinlər tərəfindən qarət edildiyini deyən Y.Qallant bildirib ki, fələstinlilər artıq hakimiyyətə inanmırlar.

Xarici ekspertlərin fikrincə isə mülki şəxslərin hərbi anbarlardan silah-sursat daşımalarının 2 əsası var. Ya insanlar bu silahlar vasitəsilə könüllü olaraq müharibə iştirakçısı olmaq istəyirlər, ya da silahları oğurlayaraq sursat çatışmazlığı yaratmaqla müharibənin tez bitməsi üçün səy göstərirlər.