İsrail Rəfaha yardım ilə bağlı gələnlərə hücum etdi | Ölən və yaralananlar var

İsrail Ordusu Rəfahın qərbinə ərzaq yardımı ilə bağlı gələnlərə hücum edib.

Nəticədə azı 9 fələstinli ölüb, 30 nəfər isə yaralanıb. Bu barədə “Associated Press” məlumat yayıb.

Hadisə şahidlərinin sözlərinə görə, tanklar gecə yarısından sonra Əl-Məvasi bölgəsində məcburi köçkün ailələrinin çadırlarına atəş açıb.

Məlumat üçün qeyd edək ki, bir müddət əvvəl SAXAL Qəzza əhalisinin yarısından çoxunu sığınacaqla təmin edən Rəfahda əməliyyatlara başlayıb.

Nəticədə yüzlərlə insan həlak olub, çox sayda insan yaralanıb. İsrail-HƏMAS müharibəsində dünyasını dəyişənlərin statistikasına görə isə bu günə qədər ümumilikdə 37 mindən çox fələstinli münaqişənin qurbanı olub.