İstədiyimiz kimi olmadı | Netanyahu hər şeyi etiraf etdi

İsrailin Baş naziri Benyamin Netanyahu Rəfahda aparılan əməliyyat zamanı ordunun ciddi bir səhvə yol verdiyini etiraf edib.

O, açıqlmasında mülki şəxslərin ölümünü faciə kimi qiymətləndirsə də, ardınca mübarizəni sona qədər davam etdirəcəyini deyib.

“Rəfahda biz artıq bir milyona yaxın mülki şəxsi evakuasiya etmişdik. Lakin təəssüf ki, bütün səylərimizə baxmayaraq, hər şey istədiyimiz kimi olmadı. Əksinə, bizim işlərimizdə faciəvi şəkildə yanlışlıq oldu və nəticədə ciddi səhvə yol verdik. Biz hazırda hadisəni araşdırırıq və güman ki, bu məsələ ilə bağlı bir nəticəyə gələcəyik”, – deyə B.Netanyahu bildirib.

Məlumat üçün bildirək ki, İsrail Ordusu mayın 27-də HƏMAS hərbi qruplaşmasının liderlərini hədəf aldığını bildirərək Rəfahda yerləşən çadır şəhərciyinə hücum edib. Nəticədə onlarla insan faciəvi şəkildə həlak olub. Məsələ ilə əlaqədar BMT Təhlükəsizlik Şurası 28 may tarixində təcili iclas keçirəcək. Qapalı keçirilməsi nəzərdə tutulan iclas Əlcəzairin xahişi ilə axşam saatlarında baş tutacaq.