Paşinyan nədən peşman oldu? - Putinlə görüşünün iç üzü
“Paşinyanın Sankt-Peterburq səfəri səbirsizliklə gözlənilirdi, çünki Prezident Vladimir Putin Rusiya-Ermənistan münasibətlərinin gərginləşməsinə görə Baş nazirin şəxsən aydınlıq gətirməsini istəyirdi”.
Belə bir iddia ilə erməni mediası çıxış edib. Qeyd edilib ki, Kreml rəhbəri bu dəfə ciddi şəkildə Paşinyandan yarımçıq, qeyri-müəyyən deyil, daha aydın və konkret cavablar tələb edəcək.
Medianın məlumatına əsasən, uzun müddətdir Rusiyanın vasitəçiliyi ilə təşkil edilən bütün görüşlərdən yayınan Paşinyan hökuməti nəhayət rəsmi Moskva ilə münasibətləri pozmaq fikrindən daşınıb.
Qeyd olunub ki, Baş nazir peşman olduğu üçün əlaqələri bərpa etmək qərarına gəlib.
Qeyd edək ki, Nikol Paşinyan dekabrın 25-də Sankt-Peterburq şəhərinə iki günlük işgüzar səfərə gedib. Kremlin sözçüsü Dmitri Peskov isə öz növbəsində bunu uzun fasilədən sonra Paşinyanla Putin arasında dialoq üçün əla fürsət adlandırıb.