Pleyeri seçin:
Putinə dedim ki... | ABŞ Prezidentindən Rusiyal ilə bağlı açıqlama
ABŞ Prezidenti Donald Tramp NATO-nun yaxınlaşan sammitinin yekun bəyanatında “Rusiya təcavüzü” ifadəsinin işlədilib-işlədilməyəcəyi ilə bağlı sualı cavabsız qoyub.
Prezident bu məsələyə münasibət bildirmək əvəzinə Rusiya ilə mümkün razılaşmadan danışıb.
“Mən hələ bu sənədə baxmalıyam. Amma Rusiya ilə razılaşmanın əldə olunmasını istərdim”, – deyə D.Tramp “Air Force One” təyyarəsində jurnalistlərin suallarını cavablandırarkən bildirib.
O, çıxışı zamanı Rusiya Prezidenti Vladimir Putinlə əvvəlki dialoqunu yada salaraq deyib:
“Bildiyiniz kimi, Vladimir Putin mənə zəng etmişdi. Dedi ki, sənə İranda kömək edə bilərəm? Mən isə cavab verdim ki, xeyr, mənə İranda kömək lazım deyil, mənə səninlə bağlı kömək lazımdır. Ümid edirəm ki, biz Rusiya ilə bir razılığa gələcəyik”.
D.Tramp həmçinin Ukraynada davam edən döyüşlərə toxunaraq son həftə ərzində 6 000, bəlkə də 6 500 əsgərin həlak olduğunu bildirib və bunu faciə adlandırıb.
Kopyalandı
Seçilmişlər
