Qeşm adasında partlayış səsləri eşidilib

ABŞ qüvvələri İran ərazisinə yenidən zərbələr endirib.

Bu barədə "ABC News" ABŞ administrasiyasındakı adının açıqlanmasını istəməyən rəsmiyə istinadla məlumat yayıb.

"Fars" agentliyi isə məlumat yayaraq İranın Keşm adasında partlayış səslərinin eşidiyini bildirib.

İranın dövlət teleradio şirkətinin isə yerli hakimiyyət orqanlarına istinadən xəbər verib ki, adaya ABŞ-yə məxsus mərmilər düşüb.

Bu arada İranın Milli Təhlükəsizlik Şurasının katibinin müavini Əli Baqeri "ABŞ-yə qarşı heç bir güzəştə getməməliyik" deyə bildirib. Milli Təhlükəsizlik Şurasının rəsmisi bunun yerli mediaya müsahibəsində deyib.

"İranın seçdiyi yol ali rəhbər tərəfindən bəyan edilmiş prinsiplər əsasında aydın şəkildə müəyyən edilib", – deyə o bildirib.

Baqerinin sözlərinə görə, İran nüvə enerjisi sahəsindəki nailiyyətləri və Hörmüz boğazı ilə bağlı məsələləri daim qoruyub saxlayacaq.

"Şəhid liderin qisası, ABŞ-nin təkəbbürünə qarşı mübarizə, eləcə də ölkə nailiyyətlərinin qorunması və möhkəmləndirilməsi siyasətimizin prioritetləridir", – deyə Baqeri vurğulayıb.