Pleyeri seçin:
"Tanrı əmr etdi ki..." | Tükürpərdən qətli törədən şəxs niyə azadlıqdadır?
Kanadada ağlasığmaz və amansız qətl hadisəsi baş verib.
"Mirror" nəşri xəbər verir ki, Vinsent Veyquan Li avtobusda Tim Maklinə hücum edərək bıçaqla onun başını kəsib.
Məlumata görə, Li qurbanının qulağını, burnunu və dilini də kəsib. Ölən şəxsin ürəyi və gözü isə tapılmayıb.
Polisin versiyasına əsasən, Vinsent Li öldürdüyü şəxsin ürəyini və gözünü yeyib.
Məhkəmədə qatil "Tanrının səsini" eşitdiyini və bu səsin ona qətli törətməyi əmr etdiyini bildirib.
Li ifadəsində deyib ki, qeybdən gələn səs ona Tim Maklin adlı şəxsin əslində yadplanetli olduğunu və onu öldürməli olduğunu söyləyib.
Məhkəmə qərarına əsasən, Vinsent Li ruhi xəstə sayılıb və psixiatrik xəstəxanaya yerləşdirilib. Zərərçəkənin anası isə qatili ruhi xəstə hesab etmədiyini və ədalətin bərpa olunmadığını bildirib.
Ağır və dəhşətli cinayət törətməsinə baxmayaraq, Vinsent Li hazırda azadlıqdadır. O, adını dəyişərək Manitobada yaşayır.
Kopyalandı
Seçilmişlər
