Dünya
Pleyeri seçin:
Ukraynada hərbi vəziyyət rejimi və səfərbərlik müddəti uzadıldı
Ukraynada hərbi vəziyyət rejimi və ümumi səfərbərlik müddəti daha 3 ay, avqustun 18-dək uzadılıb.
Bu barədə Ukrayna Ali Radası qərar qəbul edib. Qanunverici orqanın 324 deputatı “Ukraynada hərbi vəziyyətin müddətinin uzadılması haqqında” qanun layihəsinin lehinə səs verib. 333 deputat isə ümumi səfərbərliyin müddətinin uzadılmasını dəstəkləyib.
Qeyd edək ki, Ukraynada ilk dəfə hərbi vəziyyət ötən il fevralın 24-də, yəni Rusiya ilə genişmiqyaslı müharibənin başladığı gün elan olunub. Ukrayna mətbuatı yazır ki, yaxın günlərdə ölkənin Müdafiə Nazirliyi hərbi qeydiyyatda olan vətəndaşların yaşayış yerini dəyişməsinə və ölkəni tərk etməsinə qadağa qoya bilər.
Kopyalandı
Seçilmişlər
