Lerikdə bədbəxt hadisə baş verdi

Lerik rayonunda bədbəxt hadisə baş verib.

İstirahətə gedən Qaradağ rayonu, Səngəçal qəsəbə sakini Füzuli Seyfulla oğlu Hacıyev gəzinti zamanı ehtiyatsız davranıb. O, 80 metr dərinlikdə olan dərəyə yıxılaraq həyatını itirib.

Hadisə yerinə Fövqəladə Hallar Nazirliyinin Cənub Regional Mərkəzinin Xüsisi Riskli Xilasetmə qüvvələri cəlb olunub.

Görülən tədbirlər nəticəsində 55 yaşlı Füzuli Hacıyevin meyiti dərədən çıxarılıb və aidiyyəti üzrə təqdim edilib. Faktla bağlı araşdırma aparılır.