Lerikdə bədbəxt hadisə: yeniyetmə çayda batıb

Lerikdə bir nəfər çayda batıb. Hadisə Piran kəndi ərazisində qeydə alınıb.

Belə ki, Biləsuvar rayonundan Lerikə istirahətə gedən qohumlar istirahət mərkəzlərinin birində dayanıblar. Ailə üzvlərindən biri olan 17 yaşlı Allahverdi Mehdiyev ərazidən keçən çayda çimərkən boğulub. Yeniyetmə yaxınlarının köməyi ilə sudan çıxarılaraq Lənkəran Rayon Mərkəzi Xəstəxanasına çatdırılsa da, onun artıq dünyasını dəyişdiyi məlum olub.

Meyit müayinə olunması üçün Məhkəmə-Tibbi Ekspertiza və Patoloji Anatomiya Mərkəzinin Lənkəran şöbəsinə təhvil verilib. Faktla bağlı araşdırma aparılır.