Şəkidə qorxulu anlar: avtosalona tüfənglə hücum edən şəxs saxlanıldı

Şəkinin M.Ə.Rəsulzadə prospektində yerləşən avtosalona naməlum şəxs tərəfindən tüfənglə atəş açılıb.

Atəş nəticəsində obyektin şüşələri qırılıb, qapısı yararsız hala düşüb.

Daxili İşlər Nazirliyindən verilən məlumata görə, polis əməkdaşları tərəfindən keçirilmiş təxirəsalınmaz əməliyyat tədbiri nəticəsində qeyd olunan hadisəni törətməkdə şübhəli bilinən Şəki şəhər sakini, 1989-cu il təvəllüdlü Famil Səmədov saxlanılıb.

Ondan hadisə zamanı istifadə etdiyi tüfəng maddi sübut kimi götürülüb. Hazırda faktla bağlı araşdırma aparılır.