Təl-Əvivə uçan təyyarə Bakıda təcili eniş edib

Martın 30-da “EL AL” aviaşirkətinin “Tokio - Tel-Əviv” reysini yerinə yetirən hava gəmisinin kapitanı Heydər Əliyev Beynəlxalq Aeroportuna təcili eniş sorğusu göndərib.

Aeroportdan bildirilib ki, buna səbəb təyyarədə olan sərnişinin səhhətinin qəflətən pisləşməsi olub. “Boeing 787-9” təyyarəsi saat 21:51-də Bakı hava limanında uğurla eniş edib. Enişdən dərhal sonra sərnişin təcili tibbi yardım briqadasına təhvil verilib və paytaxt klinikalarından birinə çatdırılıb.