Almaniya Fransanı sülh danışıqlarından niyə kənarlaşdırdı?

Münxen Təhlükəsizlik Konfransının 60-cı toplantısında Azərbaycanın iştirakı regionda sülh prosesinin möhkəmləndirilməsi istiqamətində atılmış daha bir mühüm addım idi.

Belə ki, konfrans çərçivəsində Azərbaycanın sülh gündəliyinin qəbul olunması, eləcə də Azərbaycanla Amerika Birləşmiş Ştatları, Avropa İttifaqı və Ermənistan arasındakı ikitərəfli danışıqlar onu göstərdi ki, rəsmi Bakının regionda sülhün əldə olunması ilə bağlı irəli sürdüyü prinsiplər və ortaya qoyduğu format həm ABŞ, həm də Brüssel tərəfindən dəstəklənir.

Politoloq Elxan Şahinoğlu bildirib ki, Almaniyanın Kansleri ev sahibliyindən istifadə edərək Azərbaycan Prezidenti və Ermənistan Baş naziri ilə görüş keçirməklə həm Almaniyanın bölgədə rolunun artdığına işarə edib, həm də Fransadan geri qalmadığını bu məsələdə göstərməyə çalışıb:

“Çünki Fransa Avropanın lideri kimi hər zaman bu məsələdə öndə olmağa çalışır. Amma alınmır, çünki anti-Azərbaycan mövqeyi ona imkan verməz ki, Cənubi Qafqazda mövqelərini möhkəmlətsin və Azərbaycan-Ermənistan danışıqlarında əsas rol oynasın”.